Вішнёўка, Калачы, Альковічы… Гэтыя пункты начлегаў на мапе пешай пілігрымкі з цэнтра сталіцы Беларусі ў Нацыянальны марыйны санктуарый «абмераў нагамі» кожны, хто сёлета 29 чэрвеня, ва ўрачыстасць святых Пятра і Паўла, вырушыў у вялікай па колькасці пілігрымковай супольнасці з архікатэдральнага касцёла ў Мінску ў накірунку базылікі Унебаўзяцця Найсвяцейшай Панны Марыі ў Будславе, дзе ўжо некалькі стагоддзяў славіцца вялікім ушанаваннем вернікаў цудадзейны абраз Маці Божай. Аднак, перадапошні пункт, дзе начуюць пілігрымы, — Даўгінава — мае сваю адметнасць. Уся справа ў тым, што гэта адзіны...