13 і 14 верасня арцыбіскуп эмэрыт Мінска-Магілёўскі Тадэвуш Кандрусевіч па запрашэнні пробашча гродзенскай парафіі Адшукання Святога Крыжа (дэканат Гродна-Захад) ксяндза каноніка Яна Пузыны прыбыў у парафіяльную супольнасць, каб разам з ёй святкаваць адпустовую ўрачыстасць тытулу касцёла — напярэдадні і ў сам дзень свята. Ён узначаліў дзве галоўныя святыя Імшы ў гэтыя дні.

12 верасня вернікі і госці мінскай архікатэдральнай парафіі адзначылі тытулярнае свята галоўнага касцёла Мінска-Магілёўскай архідыяцэзіі.

У нядзелю 6 жніўня ў парафіі Нараджэння Найсвяцейшай Панны Марыі распачалося святкаванне ўрачыстасці тытулу касцёла, якое сёлета адбываецца на працягу 3-х дзён. Урачыстую Імшу апоўдні ўзначаліў вельмі шанаваны і чаканы ў парафіі дастойны госць — арцыбіскуп эмэрыт Мінска-Магілёўскі Тадэвуш Кандрусевіч.

Шаснаццаць гадоў — узрост, калі навучальная ўстанова ўжо можа ганарыцца сваімі выпускнікамі і будаваць планы на далейшае. Мінскі тэалагічны каледж імя святога Яна Хрысціцеля за гэты час вырас з «Цэнтра падрыхтоўкі катэхетаў Мінска-Магілёўскай архідыяцэзіі» у паўнавартасную тэалагічную навучальную ўстанову, якая рыхтуе спецыялістаў для розных напрамкаў касцёльнага служэння. Як жыве каледж сёння, якія веды атрымліваюць студэнты, чым каледж адрозніваецца ад іншых падобных устаноў і ці ёсць у яго шанец стаць універсітэтам — размаўляем з дырэктарам ксяндзом канонікам доктарам Янам Крэмісам.