Супольнасць парафіі Унебаўзяцця Найсвяцейшай Панны Марыі ў Налібоках (Стаўбцоўскі дэканат) падзякавала і развіталася са сваім шматгадовым пробашчам, ксяндзом канонікам Мар’янам Шэршанем, у сувязі з неўзгадненнем адпаведнымі дзяржаўнымі ўладамі права на рэлігійную дзейнасць святара.

Старшыня Канферэнцыі Каталіцкіх Біскупаў Беларусі арцыбіскуп Юзаф Станеўскі выказвае падзяку тым, хто прычыніўся да арганізацыі і правядзення сёлетняга Будслаўскага фэсту, які праходзіў з 2 па 4 ліпеня, а таксама ўсім, хто прымаў у ім удзел.

5 ліпеня, у нядзелю пасля марыйных урачыстасцей у Нацыянальным санктуарыі ў Будславе, у парафіі святога Мікалая ў Свіры, якая належыць, як і парафія ў Будславе, да Мядзельскага дэканату, адбылася ўрачыстая святая Імша, падчас якой усе прысутныя дзякавалі Богу за 30 гадоў руплівага служэння пробашча і дэкана Мядзельскага ксяндза каноніка Багуслава Маджэеўскага.