4 кастрычніка арцыбіскуп Тадэвуш Кандрусевіч цэлебраваў адпустовую святую Імшу ў гонар святога Францішка ў гродзенскай парафіі Маці Божай Анёльскай. Гэта была яго парафія, калі ён жыў ў Гродне, а пазней служыў там пробашчам.

3 кастрычніка ў мінскім касцёле Найсвяцейшай Тройцы (святога Роха) на Залатой Горцы (Мінска-Магілёўская архідыяцэзія, дэканат Мінск-Захад) святую Імшу на англійскай мове цэлебраваў ксёндз Чарльз Луанга Ссуна. Асноўную частку ўдзельнікаў літургіі складалі замежныя студэнты, для якіх англійская мова з’яўляецца важным сродкам камунікацыі. Ксёндз Чарльз Луанга Ссуна звярнуўся да прысутных з гаміліяй, напоўненай словамі надзеі, веры і хрысціянскай любові.

24 кастрычніка ў будынку Хрысціянскага сацыяльнага цэнтра ў Мінску, пры якім дзейнічае «Місія Добрага Самараніна», адбудзецца Малітоўная сустрэча міністрантаў Мінска-Магілеўскай архідыяцэзіі.

3 кастрычніка ў старадаўнім конкатэдральным касцёле Унебаўзяцця Найсвяцейшай Панны Марыі і святога Станіслава ў Магілёве адбыўся юбілейны Х Ружанцовы кангрэс, мэта якога — паглыбленне духоўнай і інтэлектуальнай фармацыі вернікаў, якія моляцца на Ружанцы, беручы пад увагу розныя тыпы духоўнасці ў Касцёле.

3 кастрычніка арцыбіскуп Тадэвуш Кандрусевіч наведаў мінскую парафію Маці Божай Ружанцовай (Лошыца), якая святкавала адпуст, і ўдзяліў сакрамэнт канфірмацыі.  

3 кастрычніка ў мінскай архікатэдры Імя Найсвяцейшай Панны Марыі адбылася сустрэча катэхетаў Мінска-Магілёўскай архідыяцэзіі з нагоды пачатку новага навучальнага і катэхетычнага года. Супольная Эўхарыстыя, уручэнне кананічных місій і фармацыйная канферэнцыя дапамаглі ўдзельнікам нанова асэнсаваць сваё пакліканне і падрыхтавацца да далейшага служэння.