У нядзелю 16 жніўня асабліва шмат вернікаў і гасцей парафіі святога Яна Хрысціцеля ў Волме (Стаўбцоўскі дэканат) прыбыло на святую Імшу апоўдні, прысвечаную ўшанаванню аднаго з нябесных заступнікаў парафіі — святому Роху. Сёлета святкаванне ўрачыстасці заступніка парафіі дапоўнілася яшчэ адной радаснай падзеяй — прыбыццём рэліквій благаслаўлёных назарэтанак мучаніц з Навагрудка.

У інтэрнэце з’явілася відэа з сённяшнім найстарэйшым беларускім іерархам, арцыбіскупам Тадэвушам Кандрусевічам, запісанае ў рэспубліканскім рэабілітацыйным цэнтры ў Аксакаўшчыне.

«Стан здароўя арцыбіскупа Тадэвуша Кандрусевіча стабілізаваны, але яму патрэбна наша духоўная падтрымка», — канстатуе галоўны рэдактар старонкі Catholicminsk.by ксёндз Павел Эйсмант, просячы аб малітве за яго выздараўленне падчас праходжання ім рэабілітацыі пасля аперацыі.

8 жніўня, дзень літургічнага ўспаміну святога Дамініка, прэзбітэра, меў для парафіі Маці Божай Ружанцовай у Ракаве нашмат большае значэнне. Тут адзначалася ўрачыстасць гэтага святога, які здаўна з’яўляецца духоўным апекуном мясцовай супольнасці вернікаў.