З 1 па 8 лістапада, у тзв. “актаве” малітваў за памерлых, Касцёл асаблівым чынам успамінае тых вернікаў, якія адышлі з гэтага свету і знаходзяцца ў вечнасці. Днём малітвы за спачылых святароў была вызначана серада, 6 лістапада. У гэты дзень у мінскім архікатэдральным касцёле Імя Найсвяцейшай Панны Марыі цэлебравалася святая Імша за памерлых біскупаў і святароў Мінска-Магілёўскай архідыяцэзіі.

З 14 па 21 кастрычніка ў Беларусі адзначаўся “Тыдзень бацькоўскай любові”, які распачаўся Днём матулі, а завяршыўся Днём таты. З гэтай нагоды ў Мінску адбылося некалькі адмысловых мерапрыемстваў.