3 сакавіка 2026 года намеснік Упаўнаважанага па справах рэлігій і нацыянальнасцяў Сяргей Герасіменя ўрачыста ўручыў брату Алегу Шэнду OFMCap, вышэйшаму настаяцелю, Пасведчанне аб дзяржаўнай рэгістрацыі рэлігійнай арганізацыі «Рымска-каталіцкая манаская абшчына “Ордэн Меншых Братоў Капуцынаў”».

Летась студэнты трэцяга курса Мінскага тэалагічнага каледжа імя святога Яна Хрысціцеля, якія выбралі напрамак навучання «тэалогія + сродкі масавай камунікацыі», у рамках спецыяльнага навучання распачалі рыхтаваць да публікацыі цікавыя і актуальныя матэрыялы, знаходзячы інфаповады ў розных напрамках дзейнасці Каталіцкага Касцёла ў Беларусі. Цяперашнія трэццякурснікі не сталі выключэннем. Таму ў чарговы раз прадстаўляем вашай увазе шэраг такіх публікацый. Матэрыял да першай з іх падрыхтавала студэнтка каледжа Алена Харольская.