29 сакавіка ў парафіі Маці Божай Ружанцовай і святога Дамініка ў мястэчку Ракаў (Мінска-Магілёўская архідыяцэзія, Валожынскі дэканат) памаліліся аб вечным жыцці для шматгадовага ракаўскага пробашча ксяндза каноніка Дзмітрыя Барылы ў 30-ы дзень пасля яго адыходу ў вечнасць.

24 студзеня Мітрапаліт Мінска-Магілёўскі арцыбіскуп Юзаф Станеўскі сваім дэкрэтам прызначыў ксяндза Кірыла Бардонава афіцыялам Міждыяцэзіяльнага Трыбунала ў Мінску.

15 жніўня ў катэдры Унебаўзяцця Найсвяцейшай Панны Марыі і святога Станіслава ў Магілёве адзначылі адпустовую ўрачыстасць і юбілей 25-годдзя манаскага жыцця сясцёр Веры Гаспаровіч MSF і Вікторыі Жук MSF з кангрэгацыі Місіянерак Святой Сям’і, якія служаць пры парафіі.

На пастырскай сустрэчы святароў Мінска-Магілёўскай архідыяцэзіі, якая адбылася адразу пасля Імшы Хрызма ў Вялікі чацвер, 14 красавіка, у катэдральным касцёле Найсвяцейшага Імя Марыі ў Мінску, было абвешчана пра новыя арганізацыйныя і адміністрацыйныя пастановы касцёльнай улады.