Спадарыня Ірына Дзенісенка сустрэлася ў Беластоку (Польшча) з суаўтарам трох кніг пра шматгадовага касцяневіцкага пробашча Станіслава Жука — ксяндзом доктарам Адамам Шотам. Фонд экспазіцыі памяці вясковага святара, які евангелізаваў у тым ліку праз карэспандэнцыю, папоўніўся, дзякуючы ксяндзу Адаму, каштоўнымі выданнямі ягоных лістоў. У хуткім часе ў музеі з’явяцца таксама стэнды, прысвечаныя святарам-паплечнікам ксяндза Станіслава.

29 красавіка ў парафіі святога Францішка ў вёсцы Копішча Мінскага раёна адбыўся канцэрт маладых арганістаў.

Як сёстры ўваходзяць у супольнасць, чым жывуць кожны дзень і ці маюць хобі? На пытанні адказала сястра Даніэля, усмешка ад сэрца якой з’яўляецца вытанчаным упрыгожваннем чорнага хабіта (сукенкі) назарэтанкі.

У Гродне дзейнічае супольнасць «Эхад». Яе мэта — пошук магчымасцяў для евангелізацыі. Невялікая супольнасць за восем гадоў існавання з ідэі ператварылася ў вывераную структуру з «міні-семінарыяй для свецкіх» і строгай дысцыплінай. Пра тое, чаму ў супольнасць вядзе доўгі шлях выпрабаванняў, а таксама, як праяўляецца сапраўдная любоў да свету і людзей, у вялікім інтэрв’ю расказалі заснавальнікі «Эхада» Анатоль і Ірэна Канарскія.

2 мая, з нагоды малітоўнай падрыхтоўкі да прысвячэння Мінска-Магілёўскай мітраполіі Найдаражэйшай Крыві Пана нашага Езуса Хрыста і ўдзячнасці за 35 гадоў аднаўлення структур Каталіцкага Касцёла ў Беларусі, у Нацыянальным санктуарыі Найсвяцейшай Панны Марыі ў Будславе сабраліся пілігрымы з розных рэлігійных рухаў і супольнасцяў Беларусі.