Мітрапаліт Мінска-Магілёўскі арцыбіскуп Юзаф Станеўскі кіруе вернікам архідыяцэзіі і мітраполіі Пастырскае пасланне на Адвэнт, які распачнецца сёлета 30 лістапада.
20 лістапада, у літургічны ўспамін святога Рафала Каліноўскага, кармэліты босыя ў Беларусі перажывалі свята свайго апекуна і заступніка, а таксама дзень засяроджання.
23 лістапада, у нядзелю Хрыста Валадара Сусвету, у парафіі Святога Міхала Арханёла ў Багданаве (Валожынскі дэканат) адбылася значная падзея. У гэты дзень былі ўрачыста прынятыя ў міністранты 2 хлопчыкі. Для адносна невялікай парафіі, дзе зусім няшмат дзяцей і моладзі і пераважае вялікі адсотак людзей сталага ўзросту, гэта сапраўды радасная падзея.
Напярэдадні Урачыстасці Пана нашага Езуса Хрыста, Валадара Сусвету, якое сёлета адзначаецца ў нядзелю 23 лістапада, Мітрапаліт Мінска-Магілёўскі арцыбіскуп Юзаф Станеўскі кіруе сваё слова да святароў, кансэкраваных асоб і ўсіх вернікаў.
З 14 па 16 лістапада сцены гістарычнага рэкалекцыйнага дома пры касцёле святога Арханёла Міхала ў Навагрудку сталі прытулкам для асабістай сустрэчы з Божай ласкай. На працягу трох дзён тут ладзіліся рэкалекцыі пад назвай «Выходныя з Духам Святым», арганізаваныя ў фармаце папулярнага Альфа-курса. Гэтая духоўная ініцыятыва аб’яднала каля шасцідзесяці чалавек — вернікаў са сталіцы, з парафіі Найсвяцейшай Тройцы (святога Роха) на Залатой Горцы, якія імкнуліся глыбей пазнаць сваю веру і адкрыць сэрцы для дзеяння Трэцяй Асобы Найсвяцейшай Тройцы.
Прэс-служба Канферэнцыі Каталіцкіх Біскупаў Беларусі ў сваім Паведамленні кіруе словы падзякі ўсім, хто спрычыніўся да вызвалення з калоніі зняволеных святароў, сярод якіх айцец аблат Анджэй Юхневіч, які служыў у Віцебскай дыяцэзіі, і ксёндз Генрых Акалатовіч, былы пробашч парафіі Святога Юзафа ў Валожыне.
