Мінскія католікі, якія маюць інваліднасць па слыху, ужо год маюць магчымасць маліцца на “сваёй мове”. Менавіта ў лютым 2024 года па ініцыятыве Мітрапаліта Мінска-Магілеўскага арцыбіскупа Юзафа Станеўскага адноўлена душпастырства глухіх, і з гэтага часу вернікі кожны тыдзень збіраюцца на адмысловай Імшы з сурдаперакладам у галоўнай святыні горада ― Архікатэдральным касцёле Імя Найсвяцейшай Панны Марыі. А галоўнае ― яны займелі свайго душпастыра, які валодае мовай жэстаў. Ім стаў ксёндз Ян Кузюк, вікарый катэдральнай парафіі.
13 сакавіка адзначаецца 12-я гадавіна абрання Папы Францішка на Пасад святога Пятра. Гэтая падзея стала нагодай для малітвы аб аздараўленні для Пантыфіка, які праходзіць лячэнне ў рымскай клініцы “Джэмэлі”, а таксама для арцыбіскупа эмэрыта Тадэвуша Кандрусевіча, які хварэе анкалагічным захворваннем і ў той момант праходзіў сеанс хіміятэрапіі.
Перад ружанцовай малітвай аб здароўі для Папы Францішка, якая адбылася ўвечары 6 сакавіка на Плошчы Святога Пятра ў Ватыкане, прагучала кароткае аўдыёпасланне, запісанае ім у клініцы “Джэмэлі”, падае беларуская рэдакцыя партала Vatican News.
