З 16 па 27 верасня пілігрымская група Viam Dei здзейсніла падарожжа да святыняў Францыі. Пілігрымка толькі што завяршылася, а яе ўдзельнікі ўжо дзеляцца першымі ўражаннямі ў сацсетках і інтэрнэт-старонках. Рэдакцыя Catholicminsk.by асабліва цэніць такія водгукі вернікаў, бо за маршрутамі і кіламетрамі ў іх заўсёды стаіць асабісты досвед сустрэчы з Богам. А калі гэты досвед апісаны настолькі ярка і шчыра, як у нататцы Вольгі Грузд, прайсці міма яго немагчыма. Таму сёння публікуем яе ўражанні, каб пра гэтае падарожжа даведалася як мага больш вернікаў.