18 лютага прыпадае Папяльцовая серада – дзень, якім распачынаецца літургічны перыяд Вялікага посту. У гэты дзень у касцёл сваёй роднай парафіі Унебаўзяцця Найсвяцейшай Панны Марыі ў Адэльску (Гродзенская дыяцэзія, дэканат Гродна-Захад) завітаў арцыбіскуп эмэрыт Мінска-Магілёўскі Тадэвуш Кандрусевіч, дзе узначаліў святую Імшу. Увечары ён аказаўся ў Гродне, дзе ў новазбудаваным касцёле Святога Духа ў мікрарёне Альшанка таксама ўзначаліў Эўхарыстыю.

15 лютага па запрашэнні пробашча парафіі Апекі Найсвяцейшай Панны Марыі ў Дайлідках (даўняя назва — Даўкшышкі, Гродзенская дыяцэзія, Астравецкі дэканат) ксяндза каноніка Алега Шпеня арцыбіскуп эмэрыт Тадэвуш Кандрусевіч прыбыў у філіяльную капліцу, якая знаходзіцца ў аграгарадку Станцыя Ашмяны (Ашмянскі раён, Гродзенская вобласць), каб разам з ім і вернікамі святкаваць урачыстасць іх нябеснага заступніка, вядомага ў Беларусі дзякуючы яго ўдзелу ў распаўсюджванні культу Божай Міласэрнасці.

Парафія ў Бялынічах (Мінска-Магілёўская архідыяцэзія, Магілёўскі дэканат) запрашае далучыцца да навэнны напярэдадні ўрачыстасці Маці Божай Бялыніцкай, Каралевы Беларусі. Пробашч парафіі Маці Божай Бялыніцкай у Бялынічах і кусташ санктуарыя ксёндз Юзаф Сярпейка кіруе вернікам Беларусі адмысловы зварот.