Author: Павел Эйсмант

У нядзелю 17 жніўня ў рэктаральным касцёле Звеставання Найсвяцейшай Панне Марыі ў Гродне, адбылася святая Імша з асвячэннем новых фігур святых Вацлава і Казіміра, гістарычныя выявы якіх былі знішчаны ў часы пераследу веры, але адноўлены на сваіх месцах дзякуючы намаганням ксяндза каноніка Антонія Грэмзы, рэктара касцёла, і супольнасці вернікаў.

У пятніцу 15 жніўня, калі ў Касцёле адзначаецца ўрачыстасць Унебаўзяцця Найсвяцейшай Панны Марыі, арцыбіскуп эмэрыт Тадэвуш Кандрусевіч наведаў парафіяльны касцёл на сваёй малой радзіме — у Адэльску, дзе святкавалася адпустовая ўрачыстасць. Асаблівай нагодай для малітвы ў гэтай святыні было святкаванне 535-годдзя заснавання парафіі і юбілею 325-годдзя пабудовы касцёла.

12 жніўня ў Міждыяцэзіяльнай вышэйшай духоўнай семінарыі ў Гродне прайшоў уступны экзамен, па выніках якога быў прыняты кандыдат з Мінска-Магілёўскай архідыяцэзіі.

З 8 па 10 жніўня ў парафіі Маці Божай Бялыніцкай у Бялынічах (Магілёўскі дэканат) прайшлі чарговыя, ужо трэція па ліку, рэкалекцыі для выпускнікоў  і навучэнцаў сталічнай  каталіцкай духоўнай установы, што рыхтуе катэхетаў, кантараў, куратараў пілігрымак, супрацоўнікаў СМК і сурдаперакладчыкаў.

2 жніўня на Магілёўшчыне адбылася незвычайная падзея — сумесная праца ў будынку касцёла ў Чавусах, дзякуючы выкананню якой чавуская святыня набыла больш сакральны выгляд і сапраўды папрыгажэла.