З 18 па 25 верасня адбылася аўтобусная пілігрымка Мінск – Рым. У гэтай падзеі ўдзельнічалі пілігрымы з розных куткоў Беларусі пад кіраўніцтвам ксяндза каноніка Юрыя Санько. У ёй таксама прымалі ўдзел сястра Ліля Казіміровіч OP і айцец Павел Федаровіч МІС.

У гэтай рубрыцы мы працягваем вывучаць паняцці, звязаныя з хрысціянскім філасофскім мысленнем, засяроджваючыся на канцэпцыях, блізкіх да паняцця сінадальнасці. Праз папярэднія матэрыялы мы ўжо разгледзелі паняцці абагаўлення і ўсеадзінства. Сёння нашай тэмай стане паняцце «сімфоніі» — няпростага, але вельмі важнага паняцця, якое ўключае ў сябе адзінства чалавека з Богам і светам. Мы паспрабуем разабрацца ў тым, як гэта паняцце дапамагае чалавеку ў асобовай сталасці і ў чым праяўляецца яго метафізічны сэнс.