Трэці дзень сустрэчы моладзевай камісіі ў Сант’яга-дэ-Кампастэла: Сінод і Юбілей 2025

Першым узяў слова кардынал Марыё Грэк, Генеральны сакратар Сакратарыята Сінода. Ён звярнуў увагу на важнасць стварэння сінадальнага Касцёла, які будзе больш блізкі да чалавека і менш бюракратычны. Кардынал адзначыў, што сіноды апошніх гадоў усё больш акцэнтуюць увагу на моладзі. Асаблівае значэнне, паводле яго слоў, мае разуменне лічбавай культуры, у якой жывуць маладыя людзі. Лічбавая культура — гэта не асобная сфера, а «ключавое вымярэнне сведчання Касцёла ў сучаснай культуры», як падкрэсліў кардынал, спасылаючыся на фінальны дакумент Сінода.

Наступным выступіў арцыбіскуп Жазэ Мануэль Гарсія Кардейра, кіраўнік секцыі пакліканняў Рады Канферэнцый Каталіціх Біскупаў Еўропы. Ён падкрэсліў, што, каб ісці побач з моладдзю на іх шляху, важна слухаць і разумець іх думкі, каштоўнасці і стаўленне да розных пытанняў. Сярод гэтых пытанняў — шлюб, цэлібат, злоўжыванні, гендарная ідэалогія і вайна.

Затым слова ўзяў кс. Франчэска Скалцота, адказны за арганізацыю Юбілею 2025 года ў Дыкастэрыі па справах евангелізацыі. Ён спыніўся на дзвюх галоўных аспектах Юбілею: адпусце і паломніцтве. Па яго словах, адпуст адкрывае прастору для духоўнага вызвалення і станаўлення асобы, што асабліва важна для моладзі, бо свабода з’яўляецца неабходным умовай для іх росту.

Паломніцтва, як адзначыў кс. Скалцота, — гэта “фізіятэрапія для душы”, якая спалучае ў сабе сэнс, рытуал і значэнне. Ён таксама заклікаў задумацца над якасцю часу, які чалавек праводзіць у жыцці, і ролі Хрыста як гарантыі надзеі. “Надзея не падманвае,” — падкрэсліў ён, звяртаючы ўвагу на важнасць пілігрымкі як спосабу пераадолення цяжкасцяў.

Напрыканцы дня запланавана паломніцтва на гору Монтэ-до-Гоза — сімвалічнае завяршэнне глыбокага дня разважанняў і дыскусій.

Першы дзень сустрэчы
Другі дзень сустрэчы
Заключны дзень сустрэчы