Адбыліся новыя прызначэнні ў Мінска-Магілёўскай архідыяцэзіі
- 19 красавіка, 2024
- Тэкст і фота: кс. кан. Юрый Ясевіч
19 красавіка ў будынку Курыі Мінска-Магілёўскай архідыяцэзіі арцыбіскуп Юзаф Станеўскі, Мітрапаліт Мінска-Магілёўскі, здзейсніў прызначэнні на новыя пасады чатырох святароў.
Ксёндз канонік Францішак Рудзь прызначаны біскупскім вікарыем па справах будаўніцтва і рамонту сакральных будынкаў, якія належаць і знаходзяцца ў карыстанні Мінска-Магілёўскай архідыяцэзіі.
Кс. Аўгуст Калясінскі прызначаны вікарыем парафіі Найсвяцейшай Тройцы (св. Роха) на Залатой Горцы ў Мінску (дэканат Мінск-Захад).
Кс. Павел Адамовіч прызначаны вікарыем парафіі св. Юзафа ў Маладзечне (Маладзечанскі дэканат).
А. Язафат (Антоні) Кунцэвіч OFM прызначаны адміністратарам парафій Беззаганнага Зачацця Найсвяцейшай Панны Марыі ў Касцяневічах, Перамянення Пана ў Сцешыцах і Найсвяцейшага Сэрца Пана Езуса ў Ільі (Вілейскі дэканат).
Арцыпастыр благаславіў святароў на новае служэнне.
