Бэтлеемскае святло зноў чакаюць у Беларусі: коратка пра галоўнае (+мапа)

Крыху гісторыі

Гісторыя Бэтлеемскага агню міру распачалася ў Аўстрыі ў 1986 годзе, калі супрацоўнікі мясцовай радыёкампаніі «ÖRF» захацелі адудзячыць ахвярадаўцам дабрачыннай акцыі «Святло ў цемры», падзяліўшыся з імі крыху іншым святлом — святлом з Бэтлеема. 

У 1989 годзе скаўцкі рух упершыню прымае актыўны ўдзел у акцыі па распаўсюджванні Бэтлеемскага агню. І, калі спачатку гэта былі толькі скаўты з Аўстрыі, то з цягам часу ініцыятыва пашырылася і на іншыя краіны.

Так адкуль жа бярэцца Бэтлеемскі агонь?

Бэтлеемскі агонь запальваецца дзіцём або падлеткам ад адной з 15 нязгасных лампад, якія месцяцца непасрэдна ў гроце Нараджэння Пана ў Бэтлееме. Пасля гэтага святло спецыяльным авіярэйсам дастаўляецца ў Аўстрыю, адкуль і распаўсюджваецца ў розныя краіны свету. 

Цікава, што ў Аўстрыі актыўны ўдзел у распаўсюджванні Бэтлеемскага святла прымаюць таксама Аўстрыйскія чыгункі і таму на буйных станцыях ёсць адмысловыя месцы, дзе можна забраць з сабой Бэтлеемскі агонь.

У гэтым годзе

У 2025 годзе, нягледзячы на ўзброены канфлікт на Блізкім Усходзе, удалося запаліць Бэтлеемскае святло супакою. У пачатку лістапада гэта зрабіў 11-гадовы хлопец Джэрыс Фадзі Хіер, які паходзіць з сям’і хрысціян у Бэтлееме.

А ўжо ў Аўстрыі 13-гадовы Флорыян Міттэр з Фордэрвайсэнбаха прыняў гэтае святло міру і адначасова служэнне ў якасці «Дзіцяці святла міру» (ням. Friedenslichtkind). 

19 лістапада 2025 года Флорыян перадаў Бэтлеемскі агонь для Папы Льва XIV пасля Генеральнай аўдыенцыі ў Ватыкане. І, такім чынам, Леў XIV стаў чацвёртым пасля святога Яна Паўла ІІ, Бэнэдыкта XVI і Францішка Папам, які прыняў святло з Бэтлеема.

А ў Беларусі?

У 1998 годзе Бэтлеемскі агонь быў першы раз афіцыйна дастаўлены ў Беларусь. Сюды ён трапляе ад польскіх скаўтаў, якія бяруць яго непасрэда ў Вене падчас вялікай міжнароднай скаўцкай імпрэзы.

У Беларусі асноўную ролю ў распаўсюджванні Бэтлеемскага агню сярод каталіцкіх парафій і ўстановаў адыгрываюць каталіцкія скаўткі і скаўты, якія робяць гэта з 2008 года. Сёлета да гэтага спрычыняцца скаўцкія адзінкі з Віцебска, Гродна, Жодзіна, Івянца, Мінска і Полацка.

Паглядзець графік эстафеты Бэтлеемскага агню ў парафіях Беларусі можна ТУТ>>>

Так, у Беларусь агонь даставяць ужо ў чацвер 18 снежня. 19 снежня ў 18.30 Бэтлеемскі агонь будзе ўрачыста ўнесены ў мінскі архікатэдральны касцёл Імя Найсвяцейшай Панны Марыі, а ў магілёўскай конкатэдры Унебаўзяцця Найсвяцейшай Панны Марыі ён прыбудзе на наступны дзень, 20 снежня, у 18.00.

Спіс парафій Мінска-Магілёўскай архідыяцэзіі, якія прымаюць Бэтлеемскі агонь міру:

• Асіповічы — парафія Божай Міласэрнасці — 20 снежня ў 10.30.
• Бабруйск — парафія Беззаганнага Зачацця Найсвяцейшай Панны Марыі — 20 снежня ў 11.45.
• Багданава — парафія святога Міхала Арханёла — 21 снежня ў 11.30.
• Бараўляны — парафія Найсвяцейшай Панны Марыі Успамогі Хрысціянаў — 21 снежня ў 09.10.
• Барысаў — парафія Нараджэння Найсвяцейшай Панны Марыі — 21 снежня ў 09.00.
• Барысаў — парафія Спаслання Духа Святога — 21 снежня ў 11.00.
• Будслаў — парафія Унебаўзяцця Найсвяцейшай Панны Марыі — 20 снежня ў 08.50.
• Валожын — парафія святога Юзафа — 21 снежня ў 10.30.
• Вілейка — парафія Узвышэння Святога Крыжа — 21 снежня ў 09.45
• Вішнева — парафія Адведзінаў Найсвяцейшай Панны Марыі — 21 снежня ў 13.15.
• Волма — парафія святога Яна — 21 снежня ў 10.00.
• Гарадзея — парафія святога Іосіфа — 20 снежня ў 19.30.
• Гатава — парафія святога Міхала Арханёла — 21 снежня ў 11.20.
• Дзяржынск — парафія святой Ганны — 20 снежня ў 08.45.
• Ждановічы — парафія Багародзіцы Апякункі сем’яў — 21 снежня ў 10.45.
• Жодзіна — парафія Маці Божай Фацімскай — 21 снежня ў 11.00.
• Заслаўе — парафія Нараджэння Найсвяцейшай Панны Марыі — 21 снежня ў 09.50.
• Івянец — парафія святога Аляксея — 21 снежня ў 09.00.
• Івянец — парафія святога Міхала Арханёла — 21 снежня ў 11.00.
• Капыль — парафія святых апосталаў Пятра і Паўла — 20 снежня ў 17.30.
• Касцяневічы — Беззаганнага Зачацця Найсвяцейшай Панны Марыі — 21 снежня ў 08.45.
• Клецк — парафія Святой Тройцы — 20 снежня ў 18.30.
• Копішча — парафія святога Францішка Асізскага — 21 снежня ў 08.30.
• Краснае — парафія Унебаўзяцця Найсвяцейшай Панны Марыі — 20 снежня ў 16.20.
• Маладзечна — парафія святога Казіміра — 21 снежня ў 11.45.
• Маладзечна — парафія святога Юзафа — 21 снежня ў 10.45.
• Магілёў — парафія Найсвяцейшай Панны Марыі — 20 снежня ў 18.00.
• Мінск (Ангарская) — парафія Божага Цела — 20 снежня ў 19.35.
• Мінск (грэка-каталіцкая) — парафія Маці Божай Нястомнай Дапамогі — 21 снежня ў 10.00.
• Мінск (Залатая Горка) — парафія Найсвяцейшай Тройцы (святога Роха) — 21 снежня ў 10.00.
• Мінск (Кальварыя) — парафія Узвышэння Святога Крыжа — 21 снежня ў 10.00.
• Мінск (Катэдра) — парафія Імя Найсвяцейшай Панны Марыі — 19 снежня ў 18.30
• Мінск (Кунцаўшчына) — парафія святога Яна Евангеліста — 21 снежня ў 10.30.
• Мінск (Лошыца) — парафія Маці Божай Ружанцовай — 21 снежня ў 09.00
• Мінск (Малінаўка) — парафія святога Антонія — 20 снежня ў 18.00
• Мінск (Серабранка) — парафія святога Яна Хрысціцеля — 20 снежня ў 18.50.
• Мінск (Сухарава) — парафія Беззаганнага Зачацця Найсвяцейшай Панны Марыі — 21 снежня ў 09.30.
• Мінск (Уручча) — парафія святога Андрэя Апостала — 21 снежня ў 10.50.
• Мінск (Хрысціянскі сацыяльны цэнтр) — капліца святой Уршулі Ледухоўскай — 21 снежня ў 12.00.
• Мінск (Чыжоўка) — парафія Святога Духа — 21 снежня ў 11.50.
• Мядзел — парафія Маці Божай Шкаплернай — 20 снежня ў 09.55.
• Налібокі — парафія Унебаўзяцця Найсвяцейшай Панны Марыі — 20 снежня ў 09.00
• Нарач — парафія святога Андрэя Апостала — 20 снежня ў 10.50.
• Нясвіж — парафія Божага Цела — 21 снежня ў 10.30.
• Ракаў — парафія Найсвяцейшай Панны Марыі Ружанцовай — 21 снежня ў 10.00.
• Рочавічы — парафія Маці Божай Чанстахоўскай — 21 снежня ў 15.00.
• Салігорск — парафія святога Францішка — 20 снежня ў 10.40.
• Слуцк — парафія святога Антонія — 20 снежня ў 09.00.
• Стоўбцы — парафія святога Казіміра — 20 снежня ў 09.40.

— заклікаюць вернікаў скаўты Беларусі.

P. S. Ад імя Каталіцкіх скаўтаў асаблівую падзяку арганізатары кіруюць памежным службам Беларусі і Польшчы за магчымасць сустрэць Бэтлеемскае святло міру на нейтральнай тэрыторыі паміж краінамі.