У Мінску распачалася фармацыя для святароў, кансэкраваных асобаў і свецкіх вернікаў: далучыцца яшчэ не позна

У Мінску распачаўся новы фармацыйны год 2026-2027 для святароў, кансэкраваных асобаў і свецкіх вернікаў, якія здзяйсняюць розныя формы служэння ў Касцёле. Заняткі праходзяць у Парафіяльным доме «Парафія Маці Божай Успамогі Хрысціянаў» Мінска-Магілёўскай архідыяцэзіі (Мінскі р-н, аг. Лясны, вул. Аляксандрава, 4А) праз кожныя тры тыдні. Праграма сабрала ўдзельнікаў з розных дыяцэзій Беларусі — святароў, кансэкраваных асобаў, свецкіх супрацоўнікаў і нават біскупаў, якія імкнуцца паглыбляць веды і шукаць адказы на выклікі сучаснасці.

Фармацыя спалучае тэарэтычныя веды з практычным падыходам і прадугледжвае тры тэматычныя модулі: «Біяэтыка», «Кананічнае і свецкае права: актуальныя пытанні» і «Эфектыўныя міжасобасныя камунікацыі і бяспека ў лічбавым асяроддзі». Нягледзячы на разнастайнасць тэм, усе яны маюць агульную мэту — дапамагчы ўдзельнікам лепш разумець сучасныя выклікі і больш свядома, прафесійна і адказна здзяйсняць сваё служэнне.

Падчас адкрыцця фармацыйнага года да ўдзельнікаў звярнуўся дапаможны біскуп Пінскай дыяцэзіі Андрэй Зноска.

Іерарх заахвоціў не абмяжоўвацца пасіўным слуханнем лекцый, а актыўна ўключацца ў навучальны працэс.

— падкрэсліў біскуп Андрэй Зноска.

Старшыня арганізацыйнага камітэта ксёндз канонік доктар Віктар Гайдукевіч SDB адзначыў, што пры падрыхтоўцы праграмы арганізатары кіраваліся найперш рэальнымі патрэбамі тых, хто працуе і служыць у касцёльных супольнасцях.

«Мы стараліся найперш улічваць рэальныя патрэбы тых, хто працуе і служыць у нашых касцёльных супольнасцях, каб навучанне не абмяжоўвалася тэорыяй, а давала канкрэтныя веды і практычныя інструменты, якія дапамогуць больш упэўнена дзейнічаць, вырашаць складаныя пытанні і якасней выконваць свае абавязкі», — падкрэсліў святар.

Сярод удзельнікаў фармацыі — біскуп Віцебскі Алег Буткевіч, які падзяліўся сваім поглядам на важнасць пастаяннага навучання для тых, хто здзяйсняе служэнне ў Касцёле.

— сказаў біскуп Алег Буткевіч.

Іерарх заўважыў, што паспяховае выкананне гэтага задання залежыць ад двух асноўных фактараў: духоўнага жыцця і асабістага сведчання тых, хто здзяйсняе служэнне ў Касцёле, а таксама ўмелага выкарыстання сучасных тэхнічных сродкаў, перадусім медыйных.

— падкрэсліў біскуп.

Паводле яго слоў, фармацыя, асабліва інтэлектуальная, сёння з’яўляецца неабходным сродкам для таго, каб у сучасным свеце паспяхова даносіць да чалавека праўду Евангелля і дапамагаць яму не згубіцца сярод выклікаў сучаснасці.

Нягледзячы на тое, што фармацыйны год ужо распачаўся, далучыцца да навучання яшчэ не позна. Арганізатары запрашаюць святароў, кансэкраваных асобаў і свецкіх вернікаў, зацікаўленых у паглыбленні ведаў і развіцці практычных навыкаў, скарыстацца гэтай магчымасцю.

Больш падрабязна з праграмай навучання і ўмовамі ўдзелу можна азнаёміцца ў артыкуле на Catholic.by. Іншыя падрабязнасці першага дня навучання чытайце ТУТ>>>.

Рэгістрацыя на фармацыйную праграму па спасылцы ТУТ>>>.