У дзень імянін арцыбіскуп Тадэвуш Кандрусевіч узначаліў святую Імшу ў мінскай архікатэдры

Ахвяраваць святую Камунію за арцыпастыра і павіншаваць яго са святам сабраліся духоўныя асобы, сярод якіх — Генеральны вікарый Мінска-Магілёўскай архідыяцэзіі біскуп Юрый Касабуцкі, кансэкраваныя асобы і шматлікія вернікі.

У прамоўленай гаміліі арцыбіскуп Кандрусевіч звярнуў увагу слухачоў на факт, што галоўным заданнем апосталаў было абвяшчаць Евангелле «аж да краю зямлі». Апосталы і іх наступнікі неслі Добрую Навіну язычніцкім народам, і ў канцы X стагоддзя яна прыйшла на беларускія землі, каб пасеяць тут зерне Божага слова і зрабіць іх хрысціянскімі.

Як адзначыў іерарх, Евангелле захавала няшмат звестак пра апосталаў Сымона і Юду Тадэвуша. Гэта можа здавацца дзіўным, бо людзі часта шукаюць у рэлігіі герояў і цудаў. Аднак Сымон і Юда — «ціхія» постаці сярод апосталаў. Іх прыклад, паводле гаміліі, нагадвае пра важнасць цішыні і вернасці ў час, калі свет заклікае быць «навідавоку» — у медыях, інтэрнэце, сацыяльных сетках, на тэлебачанні і радыё. Сучаснасць патрабуе ад чалавека быць паспяховым, прыкметным і пераканаўчым.

Евангелле называе Сымона «Зілотам», што азначае «руплівы» або «рэўнасны». Гэтая руплівасць была скіраваная не супраць людзей, а на абарону Божага закону і ідэнтычнасці габрэйскага народа.

«Выклік сучаснасці — дазволіць Хрысту перамяніць рэўнасць да чалавека ў руплівасць у паслухмянасці Божаму закону», — адзначыў ён. Пасля сустрэчы з Езусам Сымон стаў рупліва служыць справе евангелізацыі. Гэта была не рэўнасць супраць кагосьці, а руплівасць дзеля іншых.

Юда Тадэвуш вядомы як апякун у безнадзейных справах. Пандэміі, войны, экалагічныя крызісы, асабістыя трагедыі і страта сэнсу жыцця нагадваюць, што некаторыя сітуацыі надзвычай цяжка, а часам, здаецца, немагчыма вырашыць.

Аднак быць апекуном у безнадзейных справах не азначае быць «спецыялістам па цудах» у магічным сэнсе, патлумачыў арцыбіскуп Тадэвуш. Святы Юда Тадэвуш сведчыць: нават калі чалавечыя магчымасці вычарпаныя, Бог не перастае дзейнічаць.

— сказаў прамоўца.

Апосталы Сымон і Юда Тадэвуш былі рознымі людзьмі: Сымон — руплівым і блізкім да радыкальных колаў свайго часу, Юда — тым, хто задаваў глыбокія пытанні пра сэнс Божай любові і асабістую сустрэчу з Езусам. Нягледзячы на адрозненні, яны разам ішлі шляхам апостальства, прапаведавалі і, паводле традыцыі, прынялі мучаніцкую смерць.

Іх прыклад паказвае, што Езус кліча вучняў з розных сацыяльных і рэлігійных асяроддзяў. «Яго перадусім цікавяць людзі, а не сацыяльныя катэгорыі ці ярлыкі», — падкрэсліў прамоўца.

Гэтае пасланне асабліва актуальнае сёння, калі свет моцна падзелены, а людзі схільныя гуртавацца са «сваімі» і адштурхоўваць «чужых». Прыклад апосталаў нагадвае: адзінства магчымае не таму, што ўсе падобныя, а таму, што ўсе аб’яднаныя вакол Хрыста. Таму будаваць яго трэба не на аднастайнасці, а на Хрысце, які здольны аб’яднаць нават вельмі розных людзей.

«Святыя Сымон і Юда Тадэвуш не былі “супергероямі” веры. Яны былі звычайнымі людзьмі са сваімі характарамі, страхамі і пытаннямі, але дазволілі Хрысту перамяніць іх», — адзначыў іерарх. Менавіта таму, дадаў ён, яны застаюцца блізкімі людзям XXI стагоддзя.

Гамілію арцыбіскуп Тадэвуш Кандрусевіч завяршыў малітвай:

Напрыканцы Эўхарыстыі прадстаўнікі катэдральнай парафіі павіншавалі заслужанага іерарха з днём нябеснага заступніка.