Аляксандр Лукашэнка даслаў віншаванне з нагоды свята Вялікадня Мітрапаліту Мінска-Магілёўскаму арцыбіскупу Юзафу Станеўскаму, Старшыні Канферэнцыі Каталіцкіх Біскупаў Беларусі, а праз яго — усім каталіцкім вернікам Беларусі.
Прэзідэнт
Рэспублікі Беларусь
Арцыбіскупу Мітрапаліту Мінска-Магілёўскаму
Іосіфу Станеўскаму
Ваша Эксцэленцыя!
Сардэчна віншую Вас са святам Вялікадня.
Шмат стагоддзяў вернікі адзначаюць у гэты дзень перамогу жыцця, дабра і святла, якія з новай сілай абуджаюць у душах веру, надзею, любоў.
Вечныя хрысціянскія каштоўнасці моцна ўплецены ў духоўны код беларускага народа. Яны аб’ядноўваюць людзей, вучаць спагадзе і міласэрнасці, дапамагаюць нам захоўваць мір і згоду на роднай зямлі.
Хай Велікодны цуд будзе для Вас невычэрпнай крыніцай радасці. Жадаю добрага здароўя і Божага благаславення ў служэнні на карысць Каталіцкага Касцёла і нашай краіны.
З глыбокай павагай,
Аляксандр Лукашэнка
