Ксёндз Франц Рудзь разам са студэнтамі БДУ наведаў праваслаўную святыню ў Мінску
- 20 кастрычніка, 2025
- Тэкст: кс. кан. Франц Рудзь / Фота ілюстрацыйнае // Catholicminsk.by
У межах міжканфесійнага праекта «Дыялог культур і рэлігій», які рэалізуецца гістарычным факультэтам БДУ, у чацвер 16 кастрычніка адбылася пазнавальная экскурсія ў праваслаўную парафію іконы Божай Маці «Усіх тужлівых Радасць», святыня якой знаходзіцца на вуліцы Прытыцкага ў Мінску.
Гэта месца з’яўляецца адным з духоўных цэнтраў сталіцы і ўключае ў сябе сабор, хрысцільную царкву, званіцу, капліцы і майстэрні, а таксама Мінскае духоўнае вучылішча.
Студэнты пазнаёміліся з гісторыяй і архітэктурай храмавага комплексу, даведаліся пра асаблівасці яго ўнутранага жыцця і адукацыйнай дзейнасці. Асаблівую ўвагу ўдзельнікі надалі ўнікальнай структуры парафіі, дзе духоўнае, адукацыйнае і сацыяльнае служэнне цесна пераплецены.
У мерапрыемстве прыняў удзел ксёндз канонік Франц Рудзь, які падкрэсліў значэнне такіх сустрэч:
Праект «Дыялог культур і рэлігій» працягвае аб’ядноўваць студэнтаў, выкладчыкаў і прадстаўнікоў розных канфесій у агульнай справе — фарміраванню культуры ўзаемаразумення і павагі да духоўнай спадчыны Беларусі.
