Каляндар падзей і дат Мінска-Магілёўскай архідыяцэзіі: верасень 2026 года
Верасень 2026 года
1 верасня, 2026
Catholicminsk.by
Прапануем вашай увазе каляндар з асноўнымі літургічнымі ўспамінамі, святамі і ўрачыстасцямі, а таксама падзеямі, запланаванымі на верасень бягучага года.
3 верасня — успамін святога Грыгорыя Вялікага, папы і доктара Касцёла.
5 верасня — інаўгурацыя новага 2026-2027 навучальнага года ў Мінскім тэалагічным каледжы імя святога Яна Хрысціцеля, уручэнне заліковак студэнтам І курса (касцёл Святога Духа ў Мінску — у 10.00). Дзень беларускага пісьменства ў Касцюковічах (Магілёўская вобласць).
6верасня — XXIII Звычайная нядзеля. 265-я гадавіна каранацыі абраза Маці Божай Бялыніцкай папскімі каронамі (капліца ў Бялынічах — у 15.00).
8 верасня — свята Нараджэння Найсвяцейшай Панны Марыі (урачыстасць тытулу касцёла: Барысаў, Вязынь, Заслаўе).
12 верасня — успамін Найсвяцейшага Імя Марыі (урачыстасць тытулу касцёла: Мінск, Хоўхлава).
13 верасня — XXIV Звычайная нядзеля. Фестываль хрысціянскай культуры ў парафіі Найсвяцейшай Тройцы (святога Роха) ў Мінску.
14 верасня — свята Узвышэння Святога Крыжа (урачыстасць тытулу касцёла: Вілейка, Княжыцы, Мінск, Нагорнае, Узда, Чэрвень). Гадавіна (5-я) прызначэння арцыбіскупа Юзафа Станеўскага Мітрапалітам Мінска-Магілёўскім.
15 верасня — успамін Найсвяцейшай Панны Марыі Балеснай. Сустрэча душпастырства медыкаў (архікатэдральны касцёл Імя Найсвяцейшай Панны Марыі ў Мінску — у 18.30). Распачацце рэкалекцый для святароў у Мядзелі (да 17 верасня).
16 верасня — успамін святых Карнэлія, папы, і Кіпрыяна, біскупа, мучанікаў.
18 верасня — успамін святога Станіслава Косткі, законніка.
20 верасня — XXV Звычайная нядзеля. Урачыстасць тытулу касцёла (Найсвяцейшай Панны Марыі Бялыніцкай): Бялынічы, Горкі.
21 верасня — свята святога Мацвея, апостала і евангеліста (урачыстасць тытулу касцёла: Раўбічы). Распачацце рэкалекцый для святароў у Ляскоўцы (да 23 верасня).
23 верасня — успамін святога Піо з П’етрэльчыны, прэзбітэра.
27 верасня — XXVІ Звычайная нядзеля. Сустрэча апостальскага руху «Маргарытка» (Хрысціянскі сацыяльны цэнтр — у 16.00).
29 верасня — свята святога Міхала Арханёла, заступніка Мінска-Магілёўскай правінцыі Касцёла, святых Габрыэля і Рафала, арханёлаў (архікатэдральны касцёл Імя Найсвяцейшай Панны Марыі ў Мінску — у 12.00, з удзелам Катэдральнага капітула). Урачыстасць тытулу касцёла (святога Міхала Арханёла): Акалова, Багданава, Гатава, Івянец, Мінск (капліца).
30 верасня — успамін святога Гераніма, прэзбітэра і доктара Касцёла.
