У Жупранах у рамках святкавання 150-годдзя з дня пабудовы святыні адбудзецца пасвячэнне касцёла і алтара

Душпастырскае служэнне ў парафіі нясуць салезіяне ксяндза Боско.

Урачыстую святую Імшу з гэтай нагоды ўзначаліць і пасвячэнне здзейсніць біскуп Гродзенскі Уладзімір Гуляй.

Праграма святкавання:

• 10.30 — адарацыя падзякі і праслаўлення;
• 11.30 — гістарычны экскурс у мінулае жупранскага касцёла;
• 11.50 — прывітанне біскупа перад галоўным уваходам у касцёл;
• 12.00 — святая Эўхарыстыя з абрадам пасвячэння касцёла і алтара;
• 13.30 — эўхарыстычная працэсія;
• 14.20 — пачастунак для гасцей (каля касцёла) і бяспройгрышная латарэя графа Гутэн-Чапскага;
• 15.00 — святочны канцэрт харавой і інструментальнай музыкі «150 год надзеі і веры» (будынак касцёла).

Каля касцёла прадугледжаны:

• Фудкорты і кірмашовыя палаткі (дарога ад вул. Багушэвіча ў бок галоўнага ўваходу на могілкі);
• зона гульняў і забаў для дзяцей і моладзі (тэрыторыя араторыя за касцёлам);
• паркоўка для аўтамабіляў (поле збоку ад касцёла);
• гістарычныя стэнды і фотазона (тэрыторыя касцёла).

Пробашч ксёндз Артур Ляшнеўскі SDB і вернікі парафіі шчыра запрашаюць да супольнай малітвы і святкавання ўсіх жадаючых.