105 падарункаў для 105 усмешак: валанцёры Caritas з Мінска падарылі свята дзецям у Расне
- 16 снежня, 2025
- Тэкст: Ірына Фаміна / фота: Юлiя Орлiкава // Catholicminsk.by
14 снежня, у самы разгар адвэнтавага чакання, валанцёры Caritas архікатэдральнай парафіі Імя Найсвяцейшай Панны Марыі ў Мінску здзейснілі сапраўдны цуд міласэрнасці. Яны пераадолелі доўгі шлях у аграгарадок Расна Дрыбінскага раёна Магілёўскай вобласці, каб падарыць незабыўнае свята для выхаванцаў Расненскай спецыяльнай школы-інтэрната.
Для 105 дзяцей з асаблівасцямі развіцця гэты дзень стаў адным з самых яркіх і радасных. Валанцёры падрыхтавалі насычаную праграму, якая нікога не пакінула абыякавым.
Усё пачалося з вясёлага канцэрта, на які завіталі нечаканыя госці — Міннi і Тыгр! Казачныя персанажы адразу сталі цэнтрам увагі: дзеці з захапленнем абдымаліся з імі і рабілі памятныя фотаздымкі.
Пасля канцэрта свята перамясцілася ў спартыўную залу, дзе дзяцей чакаў яшчэ адзін сюрпрыз — інклюзіўная гульнявая пляцоўка ад Caritas Мінска-Магілёўскай архідыяцэзіі. Гульні і актыўнасці дазволілі кожнаму дзіцяці адчуць радасць руху ад супольнай забавы.
Вясёлы канцэрт, займальныя гульні і доўгачаканыя падарункі — усё гэта дапамагло стварыць па-сапраўднаму незабыўную святочную атмасферу, напоўненую цяплом, смехам і шчырай радасцю.
— кажуць валанцёры.
Такія падзеі натхняюць і яскрава нагадваюць пра важнасць дабрыні і міласэрнасці ў нашым грамадстве, паказваючы, што любоў не ведае адлегласцяў.
