У парафіі святога Роха адбылася прэзэнтацыя кнігі Станіслава Янчарскага пра касцёлы Мінска
- 9 лістапада, 2026
- Тэкст: Жанна Мецеж / Фота: з сацыяльных сетак Станіслава Янчарскага і парафіян касцёла святога Роха // Catholicminsk.by
Як змяняўся Мінск на працягу стагоддзяў і якое месца ў яго гісторыі займалі каталіцкія святыні? Адказ на гэтыя пытанні дае новае ілюстраванае выданне, у якім фатограф і падарожнік Станіслаў Янчарскі сабраў гістарычныя звесткі, архіўныя выявы і фотаздымкі касцёлаў сталіцы — як тых, што захаваліся, так і страчаных. Прэзэнтавалі кнігу у мінулую нядзелю ў мінскім касцёле святога Роха.
8 лістапада ў касцёле Найсвяцейшай Тройцы (святога Роха) на Залатой Горцы ў Мінску пасля святой Імшы беларускі фатограф і падарожнік Станіслаў Янчарскі прэзентаваў сваю новую кнігу «Мінск з верай праз стагоддзі». Як адзначыў аўтар ва ўступным слове да чытачоў, выданне «раскрывае асноўныя вехі распаўсюджвання хрысціянства лацінскага абраду на беларускіх землях».
— дадаў Станіслаў Янчарскі, анансаваўшы прэзентацыю ў сваіх сацыяльных сетках.
На старонках кнігі сабраны фотаздымкі мінскіх святыняў, гістарычныя звесткі, архіўныя матэрыялы і старадаўнія карты. Асаблівую цікавасць уяўляюць архітэктурныя рэканструкцыі касцёлаў, якія не захаваліся да нашых дзён, сярод іх — касцёл святога Тамаша Аквінскага, кляштар дамініканаў і касцёл Унебаўзяцця Найсвяцейшай Панны Марыі.
Дзякуючы рэканструкцыям чытачы могуць таксама ўбачыць, як выглядалі касцёл святога Роха, архікатэдральны касцёл Імя Найсвяцейшай Панны Марыі і езуіцкі калегіум у розныя гістарычныя перыяды. Выданне дапоўнена храналогіяй каталіцкіх святыняў Мінска, якая дазваляе прасачыць іх размяшчэнне ў розных частках горада на працягу стагоддзяў.
Тэма каталіцкай спадчыны Беларусі пачалася для Станіслава Янчарскага каля шасці гадоў таму.
— распавядаў фатограф у адным з інтэрв’ю.
Вынікам гэтага вялікага захаплення стала пяцітомнае выданне «Касцёлы Беларусі», у якім сабраны фотаздымкі святыняў Гродзенскай, Віцебскай і Пінскай дыяцэзій, а таксама Мінска-Магілёўскай архідыяцэзі. Пра прэзентацыю аднаго з тамоў гэтай серыі раней паведамляў «Каталіцкі Веснік». Сярод іншых альбомаў аўтара — кніга «Катэдральны касцёл святога Францішка Ксавэрыя», прысвечаная гродзенскай святыні.
Падчас прэзэнтацыі на Залатой Горцы Станіслаў Янчарскі запэўніў прысутных, што хоча і надалей працягваць гэтую працу, каб больш дасканала паказваць гісторыю беларускай зямлі.
— падкрэсліў фатограф.
Удзельнікі нядзельнай сустрэчы маглі набыць кнігу і атрымаць аўтограф аўтара. Новаму выданню не шкадавалі цёплых слоў. «Вельмі якаснае, прыгожае і файнае выданне!» — дзяліліся паміж сабой тыя, хто набыў кнігу. Вернікі таксама выказвалі сваю ўдзячнасць Станіславу Янчарскаму за яго уклад у захоўванне каталіцкай духоўнаўнасці.
