ЛІСТЫ ЧЫТАЧОЎ: Лямпа, якая не гасне
- 14 ліпеня, 2025
- Тэкст і фота: вернікі парафіі Узвышэння Святога Крыжа ў Мінску // Catholicminsk.by
У сваёй кнізе ліванскі айцец Поль Дахэр так назваў аднаго з самых шанаваных на Блізкім Усходзе святога — святога Шарбэля — «чалавек, ап’янёны Богам». У постаці гэтага святога Бог паказаў свету прыклад малітвы і аскезы.
Яшчэ пры жыцці многія заўважалі, як дзенічае ў жыцці Шарбэля «звышнатуральная Боская сіла». Быў дзіўны выпадак, звязаны з самотніцкім пакліканнем гэтага законніка. Шарбэль хацеў жыць жыццем самотніка. Настаяцель вагаўся, аднак неўзабаве атрымаў звышнатуральны знак. Аднойчы, каб пасмяяцца, нейкі законнік замест масла наліў у лямпу Шарбэля звычайнай вады. Якое ж было яго здіўленне, калі ноччу ён ўбачыў у яго келлі святло. У лямпе сапраўды была вада. Жартаўнік перапалохаўся і сам прызнаўся ў сваім учынку. Настаяцель прыйшоў і паспрабаваў яе на смак. У келлі Шарбэля гэтая вада гарэла, як алей, але ў келлі настаяцеля адразу ж гасла. Пасля гэтага выпадку Шарбэлю дазволілі зачыніцца ў скіце.
Літургічны ўспамін святога Шарбэля прыпадае на 24 ліпеня. І ўжо амаль год у парафіі Узвышэння Святога Крыжа, якая збіраецца на малітву ў касцёле на мінскай Кальварыі, 24-а чысла кожнага месяца адбываецца набажэнства праз заступніцтва гэтага святога. За дзевяць дзён да малітвы ў парафіяльнай святыні выносіцца абраз святога Шарбэля. З гэтага дня аж да самога дня ўспаміну вернікі парафіі моляцца навэннай да святога, давяраючы яго заступніцтву свае інтэнцыі. Каля абараза заўсёды знаходзіцца скарбонка, у якую можна пакласці картачку з малітоўнай інтэнцыяй на святую Імшу. У кожны такі дзень вернікі маюць магчымасць не толькі памаліцца разам, але і пачуць сведчанні сучасных людзей пра тое, як дзейнічае Бог праз заступніцтва святога Шарбэля ў нашыя дні, а таксама паслухаць урыўкі з твора айца Поля Дахэра «Шарбэль. Чалавек, ап’янёны Богам».
У нядзелю 13 ліпеня парафіяне і госці мінскай Кальварыі сталі сведкамі яскравай падзеі. Дзякуючы намаганням ксяндза пробашча Андрэя Сіповіча і сям’і Хабр у святыню з Лівана прывезлі рэліквіі святога Шарбэля — часцінку крыві святога з пацвярждальнымі дакументамі. Звычайна рэліквіярый — гэта толькі ўпрыгожанне, але рэліквіярый святога Шарбэля мае напамін пра яго цуды. Гэта вобраз той самай лямпы, якая не гасла ў келлі.
Пасля святой Імшы адбылося благаслаўленне прысутных рэліквіямі святога Шарбэля. Прагучалі словы падзякі ўсім, асабліва сям’і Хабр.
— падвёў вынік гэтай падзеі пробашч парафіі ксёндз Андрэй Сіповіч.
