In unitate fidei: ліст Папы да 1700-годдзя Нікейскага Сабору

Дакумент складаецца з дванаццаці раздзелаў. З яго дапамогай Папа хоча заахвоціць увесь Касцёл абнавіць запал у вызнанні веры, «праўда якой на працягу стагоддзяў складала супольную спадчыну хрысціян і вартая таго, каб яе вызнавалі і разумелі заўсёды новым і актуальным чынам».

— гаворыцца на пачатку папскага дакумента. 

Поўны тэкст Апостальскага ліста на замежных мовах ТУТ>>>

Вызнанне адзінай веры — надзея ў цяжкія часы

Пантыфік адзначыў, што вера ў Езуса Хрыста, Сына Божага, з’яўляецца сэрцам хрысціянскай веры, якую вызнаюць розныя канфесіі. Яна, па словах Папы, «дае нам надзею ў цяжкія часы, у якія жывём, пасярод шматлікіх хваляванняў і страхаў, пагроз вайны і гвалту, прыродных катаклізмаў, сур’ёзнай несправядлівасці і нераўнавагі, голаду і беднасці, ад якіх пакутуюць мільёны нашых братоў і сясцёр».

Вялікая экуменічная каштоўнасць Сабору

Пасля разгорнутага аналізу гісторыі, звязанай з Нікейскім Саборам, Пантыфік заўважыў, што яго рашэнні былі падтрыманы Айцамі Касцёла на Усходзе і Захадзе хрысціянскага свету. Таму гэтая падзея з’яўляецца актуальнай і сёння з прычыны яе вялікай экуменічнай каштоўнасці.

Паміж хрысціянамі больш таго, што іх аб’ядноўвае, чым таго, што раздзяляе

Пантыфік нагадаў, што дасягненне адзінства паміж усімі хрысціянамі было таксама адной з галоўных мэтаў Другога Ватыканскага Сабору. «Дзякуй Богу, экуменічны рух дасягнуў многіх вынікаў за апошнія шэсцьдзесят гадоў. Нават калі поўнае бачнае адзінства з Праваслаўнымі і Усходнімі Праваслаўнымі Цэрквамі, а таксама з касцёльнымі супольнасцямі, якія ўзніклі падчас Рэфармацыі, яшчэ не дасягнута, тым не менш

— напісаў Папа, падкрэсліваючы, што паміж хрысціянамі ёсць больш таго, што іх аб’ядноўвае, чым таго, што раздзяляе.

Адзінства хрысціян важны знак міру для свету

«У свеце, падзеленым і разарваным шматлікімі канфліктамі, з’яднаная паўсюдная хрысціянская супольнасць можа быць знакам міру і прыладай прымірэння, адыгрываючы вырашальную ролю ў глабальным імкненні да міру», — сцвердзіў ён.

Леў XIV нагадаў таксама словы Яна Паўла ІІ пра тое, што памяць пра «сведчанне шматлікіх хрысціянскіх мучанікаў усіх Касцёлаў і касцёльных супольнасцей” аб’ядноўвае нас і падштурхоўвае “быць сведкамі і будаўнікамі міру ў свеце”».

Нікейскі cабор — арыенцір на шляху да адзінства

Па словах Святога Айца, пераканаўчае выкананне гэтага служэння патрабуе ад нас «ісці разам, каб дасягнуць адзінства і прымірэння паміж усімі хрысціянамі».

— напісаў Папа, дадаючы: «Таму мы павінны пакінуць у мінулым тэалагічныя спрэчкі, якія страцілі свой сэнс, каб прыйсці да супольнай думкі і, больш за тое, да супольнай малітвы да Духа Святога, каб Ён мог сабраць нас усіх разам у адной веры і адной любові».

Аднаўленне адзінства ўзбагаціць усіх

Пантыфік падкрэсліў, што гаворка не ідзе пра вяртанне да стану, які папярэднічаў падзелам ці пра ўзаемнае прызнанне актуальнага status quo разнастайнасці Цэркваў і царкоўных супольнасцей, але ў першую чаргу пра экуменізм, скіраваны ў будучыню, які імкнецца да прымірэння праз дыялог, шляхам дзялення нашымі дарамі і духоўнай спадчынай.

— падкрэсліў Леў XIV, завяршаючы свой Апостальскі ліст заклікам да супольнай малітвы да Духа Святога.