ФОТАФАКТ: У юбілейным 2025 годзе «пілігрымы надзеі» з Мінска і ваколіц наведалі юбілейныя святыні роднага краю
- 7 красавіка, 2025
- Тэкст і фота: Алена Фукалава // Catholicminsk.by
30 сакавіка пілігрымковая група мінскай парафіі святых Сымона і Алены «Спазнай свой край» разам з прадстаўнікамі іншых парафій Мінска і ваколіц здзейснілі аўтобусную пілігрымку ў найбліжэйшую юбілейную святыню суседняй Пінскай дыяцэзіі.
Пілігрымы прайшлі праз уваходную браму санктуарыя Маці Божай Фацімскай у Баранавічах.
Таксама вернікі наведалі яшчэ некалькі касцёлаў Баранавіччыны, у тым ліку касцёл Перамянення Пана ў Новай Мышы, які сёлета адзначае сваё 200-годдзе.
