Біскуп Уладзімір Гуляй запісаў адмысловы відэазварот, заахвочваючы вернікаў да ўдзелу ў рэкалекцыях пакаяння ў Навагрудку
З 5 па 7 верасня
4 верасня, 2025
Catholicminsk.by
У сваім відэазвароце, змешчаным на Youtube-канале «Catholicby», біскуп Гродзенскі Уладзімір Гуляй заахвочвае ўсіх жадаючых прыняць удзел у рэкалекцыях пакаяння за Беларусь.
Як падаваў раней наш партал, з 5 па 7 верасня ў Навагрудку (Гродзенская дыяцэзія) адбудуцца рэкалекцыі пакаяння за Беларусь, на якія запрашаюцца вернікі, святары і манаскія асобы.
У праграме рэкалекцый пакаяння, якія арганізуюцца пры парафіі святога Міхала Арханёла ў Навагрудку, будуць дзве ўсяночныя адарацыі, некалькі канферэнцый, пілігрымка пакаяння да Маці Божай Новага Жыцця ва Уселюб, Крыжовы шлях і іншыя пакутныя набажэнствы.
Месца правядзення: г. Навагрудак, вул. Міцкевіча 1, касцёл святога Міхала Арханёла.
Кантактны тэлефон для запісу і дадатковай інфармацыі: +375 (44) 771-99-83 — Марына
Праграма рэкалекцый
Пятніца, 5 верасня
18.00 — святая Імша; 19.30 — вячэра; 20.00 — канферэнцыя аб патрэбе экспіяцыі (уміласціўлення Богу за грахі); 21.00 — Крыжовы шлях пакаяння вуліцамі Навагрудка; 23.30 — малітва прыніжэння і пачатак усяночнай малітвы адарацыі Найсвяцейшага Сакрамэнту.
Субота, 6 верасня
08.00 — супольнае заканчэнне начной адарацыі; 08.30 — снеданне; 10.00 — канферэнцыя пра актуальнасць фацімскага паслання сёння; 11.00 — Гадзінкі аб Беззаганным Зачацці Найсвяцейшай Панны Марыі; 12.00 — Анёл Панскі; 12.30 — абед; 13.30 — Пілігрымка пакаяння ва Уселюб (магчымасць споведзі, Вяночак да Божай Міласэрнасці, канферэнцыя пра Ружанец і яго моц, святы Ружанец); 18.00 — святая Імша ў інтэнцыях вырашэння праблем у сем’ях і грамадстве; 19.30 — вячэра; 20.30 — супольная малітва перад Найсвяцейшым Сакрамэнтам; 21.30 — працэсія пакаяння вакол касцёла са свечкамі; 23.00 — начная адарацыя Найсвяцейшага Сакрамэнту.
Нядзеля, 7 верасня
07.30 — заканчэнне адарацыі; 08.00 — снеданне; 08.45 — сведчанні і падсумаванне; 10.00 — святая Імша падзякі і заканчэнне рэкалекцый.
