Айцы марыяне запрашаюць далучыцца да супольнай малітвы ў Будславе ў трэці дзень Агульнабеларускай навэнны «Найдаражэйшая Кроў Хрыста, умацуй нас!» (+ТЭКСТЫ)
- 1 снежня, 2025
- Фота ілюстрацыйнае // Catholicminsk.by
Айцы марыяне, адказныя за правядзенне ў першую суботу снежня ў Будславе трэцяга дня Агульнабеларускай навэнны «Найдаражэйшая Кроў Хрыста, умацуй нас!», запрашаюць 6 снежня да малітоўнага ўдзелу ў сустрэчы ў Нацыянальным санктуарыі, а таксама да духоўнага ўдзелу ў сваіх парафіях. Разам з імі будуць маліцца сёстры эўхарысткі.
Нагадаем, што з распараджэння арцыбіскупа Юзафа Станеўскага, Мітрапаліта Мінска-Магілёўскага, Старшыні Канферэнцыі Каталіцкіх Біскупаў Беларусіпа ініцыятыве Мінска-Магілёўскай архідыяцэзіі з 4 кастрычніка 2025 года па 6 чэрвеня 2026 года ў галоўным беларускім марыйным санктуарыі і ў парафіях Мінска-Магілёўскай архідыяцэзііадбываецца Агульнабеларуская навэнна з нагоды малітоўнай падрыхтоўкі да прысвячэння Мінска-Магілёўскай мітраполіі Найдаражэйшай Крыві Пана нашага Езуса Хрыста і ўдзячнасці за 35 гадоў аднаўлення структураў Каталіцкага Касцёла ў Беларусі.
— тлумачыць мэту правядзення Навэнны арцыбіскуп Юзаф Станеўскі.
Асноўным днём, прызначаным для супольнай цэлебрацыі Эўхарыстыі і набажэнства, прысвечанага Найдаражэйшай Крыві Хрыста, з’яўляецца кожная першая субота месяца на працягу ўсяго перыяду падрыхтоўкі да ўрачыстасці ў Нацыянальным санктуарыі ў Будславе, якая адбудзецца 4 ліпеня 2026 года.
Заклік навэнны на снежань 2025 года: «Кроў Хрыста, уцелаўлёнага Слова Божага, — выбаў нас».
Інтэнцыя: Молімся за сем’і нашага краю, каб, дзякуючы аднаўленню ў Хрысце і па прыкладу Святой Сям’і з Назарэту, яны станавіліся сапраўднай святыняй жыцця і любові; каб, развіваючы веру і захоўваючы хрысціянскія традыцыі, нашыя сем’я былі надзейным «хатнім касцёлам», адкрытым на пакліканні да святарскага і кансэкраванага жыцця.
План сустрэчы ў Будславе:
11.00 — адарацыя Найсвяцейшага Сакрамэнту, магчымасць споведзі;
11.30 — Фацімскі Ружанец;
12.00 — святая Імша;
13.00 — абед;
14.00 — прэзентацыя «Дагмат веры аб Беззаганным Зачацці Найсвяцейшай Панны Марыі»;
14.45 — Вяночак да 10 цнотаў Найсвяцейшай Панны Марыі;
15.00 — Вяночак да Крыві Хрыста і малітва да Крыві Хрыстовай;
15.30-15.45 — заканчэнне і вяртанне да дому.
Парадак навэнны ў парафіях:
- Ружанец;
- святая Імша;
- разважанні на кожны дзень навэнны;
- Вяночак да Божай Міласэрнасці;
- Літанія да Найдаражэйшай Крыві Пана нашага Езуса Хрыста;
- Малітва да Крыві Хрыстовай.
Тэксты набажэнстваў на паасобныя першыя суботы, падрыхтаваныя выдавецтвам «Про Хрысто», будуць змяшчацца ў часопісе «Ave Maria», а таксама на інтэрнэт-старонках: сatholic.by, catholicminsk.by, ave-maria.by.
Тэксты для друку
- Набажэнства на 6 снежня 2025 г. у фармаце .DOC>>> і .PDF>>>.
- Парадак Навэнны і План наведвання Нацыянальнага санктуарыя Марыі ў Будславе і правядзення набажэнстваў у парафіях у фармаце .DOC>>> і .PDF>>>.
- Ружанец перапрашэння Беззаганнага Сэрца Марыі ў рамках Навэнны у фармаце .DOC>>> і .PDF>>>.
- Разважанні на кожны дзень Навэнны у фармаце .DOC>>> і .PDF>>>.
