Арцыбіскуп Станеўскі ўзяў удзел у мерапрыемстве, якое прайшло на Мінскім аўтамабільным заводзе (ВІДЭА)
- 20 снежня, 2024
- Тэкст і фота: кс. кан. Юрый Ясевіч
18 снежня арцыбіскуп Юзаф Станеўскі, Мітрапаліт Мінска-Магілёўскі, узяў удзел у святочным мерапрыемстве, прысвечанаму ветэранам Мінскага аўтамабільнага завода (МАЗ) з нагоды надыходзячых святаў Божага Нараджэння і Новага года.
Святочны канцэрт праходзіў у доме культуры МАЗ у Мінску, дзе сабраліся многія прадстаўнікі Грамадскага аб’яднання “Клуб «Ветэран МАЗ»” і прадстаўнікі кіраўніцтва аўтазавода.
У сваёй прамове арцыбіскуп Юзаф нагадаў прысутным пра духоўнае вымярэнне і традыцыі свята Божага Нараджэння, а таксама, звярнуўшыся да гісторыі, распавёў пра існаванне розных традыцый, звязаных з гэтым святам.
Іерарх павіншаваў удзельнікаў мерапрыемства з надыходзячымі святамі і пажадаў ім надалей заставацца энергічнымі і поўнымі энтузіязму людзьмі на ўсіх шляхах іх жыцця.
Мітрапаліт Станеўскі падараваў ветэранам МАЗ на святы абраз Маці Божай Будслаўскай.
Большасць прысутных на мерапрыемстве складалі жанчыны – бабулі і маці. Таму яшчэ адным – нематэрыяльным – падарункам ад Мітрапаліта была песня пра матулю.
