У Мінску адбыўся першы дыяцэзіяльны кібертурнір міністрантаў

7 лютага

9 лютага, 2026
Тэкст: арганізатары турніру/ Фота: з архіва Місіі Добрага Самараніна // Catholicminsk.by

7 лютага ў Хрысціянскім сацыяльным цэнтры адбыўся першы кібертурнір па футболе сярод міністрантаў Мінска-Магілёўскай архідыяцэзіі.

Сустрэча распачалася святой Імшой, якую ўзначаліў арцыбіскуп Юзаф Станеўскі, Мітрапаліт Мінска-Магілёўскі. Падчас Імшы разам з удзельнікамі турніру маліліся таксама арцыбіскуп эмэрыт Тадэвуш Кандрусевіч, душпастыр міністрантаў у архідыяцэзіі ксёндз Аляксандр Шыманскі і капелан Місіі Добрага Самараніна айцец Аляксандр Шамрыцкі МІС.

Пасля Эўхарыстыі ўдзельнікаў размеркавалі па групах, у межах якіх адбыліся спаборніцтвы. Кожны меў магчымасць выбраць сваю любімую футбольную каманду, каб змагацца за перамогу ў FIFA на Playstation.

Пасля адборачнага тура хлопцаў чакаў смачны пачастунак.

У напружанай барацьбе змагаліся міністранты з мінскіх парафій Імя Найсвяцейшай Панны Марыі, святых Яна Евангеліста і Максіміліяна Марыі Кольбэ і з Місіі Добрага Самараніна.

Паспрабавалі сябе ў кібертурніры і прысутныя на мерапрыемстве іерархі.