У нядзелю 11 кастрычніка падчас малітвы Анёл Панскі Папа Леў XIV прызнаўся, што падчас апошніх медыцынскіх даследаванняў у яго быў выяўлены «абмежаваны вузел у лёгкім». Гэтае анкалагічнае захворванне патрабуе неадкладнай аперацыі, якая была запланавана «на бліжэйшыя дні», г. зн. на першыя дні бягучага тыдня. У сувязі з гэтым Старшыня Канферэнцыі Каталіцкіх Біскупаў Беларусі арцыбіскуп Юзаф Станеўскі, Мітрапаліт Мінска-Магілёўскі, які прымае ўдзел у сустрэчы біскупаў у Рыме на тэму апостальскай адгартацыі Amoris laetitia, прысвечанай сям’і, кіруе зварот да духавенства, кансэкраваных асоб і ўсіх беларускіх католікаў, а таксама да ўсіх людзей добрай волі аб малітве за Святога Айца.
Паважаныя біскупы, святары, дыяканы, кансэкраваныя асобы!
Любыя ў Хрысце браты і сёстры!
Усіх нас моцна занепакоіла навіна, якую ў нядзелю падчас малітвы Анёл Панскі пераказаў нам сам Папа Леў XIV аб сваім стане здароўя.
Знаходзячыся ў Рыме на сустрэчы старшыняў канферэнцый біскупаў на тэму сям’і, заклікаю вас узгадаць у сваіх публічных і прыватных малітвах асобу Святога Айца, просячы Нябеснага лекара аб паспяховай аперацыі для яго і хуткім выздараўленні.
Папа Леў XIV меў удзельнічаць у сераду, 12 кастрычніка, у заканчэнні пасяджэння старшыняў біскупскіх канферэнцыі ў Рыме і ўзначаліць урачыстую святую Імшу. Няхай жа цяпер супольная малітва (а па магчымасці і Эўхарыстыя), ахвяраваная ў інтэнцыі выздараўлення Святога Айца, стане нашым адказам удзячнасці і адзінства на яго просьбу аб духоўнай падтрымцы.
Далучаючыся да малітвы Касцёла за Папу, ад шчырага сэрца ўсім благаслаўляю
у імя Айца, і Сына, і Духа Святога.
✠ Арцыбіскуп Юзаф Станеўскі
Мітрапаліт Мінска-Магілёўскі
Старшыня Канферэнцыі Каталіцкіх Біскупаў Беларусі
