У Нацыянальным санктуарыі ў Будславе пройдзе ІІ Сусветны дзень дзіцяці
- 3 красавіка, 2025
- Фота: Catholic.by// Catholicminsk.by
31 мая ўжо другі раз запар Душпастырства дзяцей Мінска-Магілёўскай архідыяцэзіі арганізуе ў беларускім Нацыянальным санктуарыі Маці Божай у Будславе сустрэчу для першакамунійных дзяцей і святкаванне Сусветнага Дня Дзіцяці.
Запрашаюцца дзеці з усіх дыяцэзій Беларусі.
Сустрэча арганізуецца пры падтрымцы Місіі Добрага Самараніна, пры якой дзейнічае Хрысціянскі сацыяльны цэнтр у Мінску.
Тэма сустрэчы: «Гэта мы — радасць і надзея».
Праграма сустрэчы:
- 09:00 – рэгістрацыя,
- 11:00 – вітальнае слова,
- 11:15 – святая Імша,
- 12:30 – перапынак,
- 13:30 – забаўляльная праграма (майстар-класы і гульні для дзяцей),
- 15:00 – малітва прадстаўнікоў розных канфесій,
- 15:45 – малітва «Ойча наш» і благаслаўленне.
Абавязковая папярэдняя рэгістрацыя, якую можна прайсці некалькімі спосабамі:
- па спасылцы: для арганізаваных груп ТУТ>>>; для тых, хто прыязджае самастойна, ТУТ>>>,
- наводзячы камеру мабільнага тэлефона на адпаведны QR-код на плакаце ніжэй,
- звярнуцца да пробашча сваёй парафіі.
З пытаннямі і прапановамі арганізатары Сусветных дзён дзіцяці просяць звяртацца на электронную пошту samaranin24@gmail.com або па тэлефоне +375(44)7700901.
Рэпартаж з леташняга Сусветнага дня дзіцяці можна паглядзець па спасылцы ТУТ>>>.
