Салезіяне Ксяндза Боско запрашаюць каталіцкіх міністрантаў прыняць удзел у турніры па міні-футболе «Кубак святога Дамініка Савіо», які адбудзецца ў суботу, 3 мая, у Смаргоні (Гродзенская дыяцэзія) пры парафіі святога Міхала Арханёла.
Мэты і задачы турніра:
- Папулярызацыя футбола.
- Зносіны і абмен досведам сярод міністрантаў каталіцкіх парафій.
Спаборніцтвы праводзяцца ў горадзе Смаргоні на стадыёне «Юнацтва» па адрасе вул. П. Балыша, 4.
Праграма турніра:
- 10:00 — прыезд у араторый (вул. П. Балыша 5) і рэгістрацыя;
- 10:30 — святая Імша ў парафіяльным касцёле;
- 11:30 — Пачатак спаборніцтваў (араторый).
Працягласць гульняў: 2 таймы па 15 хвілін.
Агульнае кіраўніцтва і арганізацыя турніру ажыццяўляецца ксяндзом Артурам Ляшнеўскім SDB, членамі парафіі святога Міхала Арханёла ў горадзе Смаргонь.
Да ўдзелу ў турніры запрашаюцца каманды міністрантаў 5-9 класаў, якія прадстаўляюць каталіцкія парафіі Беларусі, па схеме: 10 удзельнікаў + 1 прадстаўнік. Усяго — 11 чалавек.
Заявачны ліст ад каманды на ўдзел у спаборніцтвах прадстаўнікі каманд дасылаюць на адрас электроннай пошты donboskovec10041989@gmail.com да 27 красавіка, тым самым пацвярджаючы удзел у спаборніцтвах. Арыгінал заяўкі прадстаўнікі каманд здаюць у судзейскую калегію да пачатку гульняў.
Спаборніцтвы праводзяцца па кругавой сістэме. Месцы каманд вызначаюцца па суме ачкоў, набраных ва ўсіх матчах:
- па выніках гульняў паміж сабой;
- па розніцы забітых і прапушчаных мячоў паміж сабой;
- па лепшай рознасці забітых і прапушчаных мячоў ва ўсіх матчах;
- па большай колькасці забітых мячоў ва ўсіх матчах;
- пры роўнасці ўсіх паказчыкаў – па серыі пенальці.
Нумар тэлефона:
+375 (29) 761 70 17 — ксёндз Артур Ляшнеўскі SDB (просьба пісаць у мэсэнджэры Viber і Telegram).
