Хвала Хрысту!
Паважаныя святары Мінскага рэгіёна, па благаслаўленні арцыбіскупа Юзафа Станеўскага Мітрапаліта Мінска-Магілёўскага, падчас Вялікага посту ў 2026 годзе ў Мінску чарговы раз у паасобных 7 касцёлах сталіцы (інфармацыя ТУТ>>>) штодзённа будзе абывацца адмысловае набажэнста (праграма ТУТ>>>) з выстаўленнем Найсвяцейшага Сакрамэнту, спевам традыцыйных «Песняў жальбы», тэматычным разважаннем і магчымасцю споведзі.
Паколькі з 10 студзеня 2026 года да 10 студзеня 2027 года ў Каталіцкім Касцёле праходзіць Год святога Францішка, які прымеркаваны да 800-й гадавіны смерці Асізскага Бедняка, у гэтым годзе падчас стацыйных набжэнстваў прапануецца засяродзіць увагу на жыцці і духоўнай спадчыне св. Францішка, а таксама атрымаць поўны адпуст, які ўдзяляе Апостальская пэнітэнцыярыя з нагоды Года святога Францішка. Дапамогуць у гэтым прадстаўнікі Ордэну Меншых Братоў Капуцынаў (в. Копішча), якія ў вызначаныя дні наведаюць стацыйныя касцёлы (інфармацыя ТУТ>>>, дзень пазначаны жоўтым колерам).
Вернікі, якія на працягу Вялікага посту наведаюць усе стацыйныя касцёлы (мінімум адзін раз), запрашаюцца Братамі Капуцынамі ў Свята Божай Міласэрнасці – 12 красавіка ў 12.00 у касцёл св. Францішка Асізскага (Мінскі р-н, в. Копішча, вул. Авіяцыйная, 4) дзе адбудзецца святочная Імша за ўсіх наведвальнікаў стацыйных касцёлаў, як удзельнікаў Года святога Францішка.
У Папяльцовую сераду, а таксама ва ўсе нядзелі Вялікага посту павядомце і запрасіце вернікаў усіх парафій Мінскага рэгіёна да супольнай малітвы ў стацыйных касцёлах. Жадаючым вернікам сваіх парафій дапамажыце атрымаць бланк пасведчання пілігрыма (для друку: PDF, фармат А5>>>). Душпастыры стацыйных касцёлаў няхай жа велікадушна прымаюць пілігрымаў ў сваіх касцёлах.
Кс. кан. д-р Ян Крэміс
Біскупскі вікарый
P. S. Інфармацыя пра ўмовы атрымання адпусту ТУТ>>> і ТУТ>>>
